<$BlogRSDUrl$>

þriðjudagur

Berklahæli 

Þvílíkt og annað eins bull.... er þessi helvítis þáttur með útlendingnum og anorexíukonunni með ógeðslega tattoo-ið eitthvað djók?? Datt inní þetta áðan í svona 4 mín: "Ekki borða sykur, munið að hann er ógeðslegur... ekki borða sterkju því þá verið þið feit og ljót og fáið allskonar viðbjóðslega sjúkdóma"
OK, æðislegt!! Þegar þau voru búin að heilaþvo fólk með þessum klassíska ekki-borða-pasta-kartöflur-brauð-kex-hrísgrjón-sykur-eða-hveiti-pistli þá voru þau voða sniðug og fóru að elda.... Korn í tómatsósu.....What the fuck!!!! Ekki veit ég hvort þetta átti að vera ógeðslega girnilegt eða hvað, en þetta var einhver sá mesti viðbjóður sem ég hef séð. Já, og svo ætla þau í heimsókn til offitusjúklinga og kenna þeim að borða korn og bíta gras... já og örugglega æla líka, smart!!
Ég læt ekki bjóða mér uppá svona rusl í sjónvarpinu... stóð upp og fékk mér afgang af saltkjötinu, það er sko alvöru :-)

Annars þá hefði ég alveg eins getað farið í hjúkrun... líður eins og ég vinni á berklahæli. Gjörsamlega allir hóstandi í kringum mig og horið og slefið alveg í hámarki!!

mánudagur

Nóg af hori allavega 

Hausinn á mér er búinn að vera vel stíflaður í nokkra daga en um helgina byrjaði að losna aðeins um... ekkert smá magn af hori sem kemst fyrir í einum litlum haus. Þegar ég snýti mér koma þessir ógeðslegu gulu kekkir eins og þeir fái borgaði fyrir það. Á morgnana vakna ég með gröft í augunum... stökkbreytt hor semsagt og svo þegar ég hósta eru gulu félagarnir aftur mættir á svæðið. Búið að vera mikið partýstand í lungunum á mér!

Aaaallavega..... búin að bjarga páskunum. Jájájá, var að spjalla við Bjössann á laugardaginn og að lokum var ég búin að versla mér flug og gistingu í London :-) Ætla að hitta kappann þar, við fljúgum svo til Gautaborgar, förum í dagsferð til Osló og svo flýg ég heim frá Köben.... það er vel!!!

föstudagur

Guð minn góður, guð minn góður, guð minn góður!!! 

Nei nei nei nei.... þetta bara getur ekki verið að gerast. Eftir skemmtun næturinnar er lyginni líkast að ég skuli hafa mætt á réttum tíma í bankann í morgun... eða bara mætt yfirhöfuð!

... maður mætir að sjálfsögðu í allar vísindaferðir sem boðið er uppá í bankanum. Rétt skrapp yfir í bankann um sex leytið í gær, svona til að sýna lit og já auðvitað til að fá smá frían bjór.
... Svona um hálf níu hentist ég heim og hafði á orði við nokkra vel valda einstaklinga að þeir væru velkomnir í B10 í smá meiri bjórdrykkju þar sem ég átti svo ógeðslega mikið af bjór!!
... Ég og vörumerkið í góðu glensi með gítarinn, bjórinn og fótboltaspilið. Ákváðum að senda nokkur sms... náðum að róa keppanda númer 2 og ég svona eiginlega rak Birnu úr fyrirtækinu... já þetta er alvöru dramakeppni! Svo bættust fleiri í hópinn og ákveðið var að fara á Amour. Fín hugmynd það og góður stemmari.
... Svo fóru að hrúgast inn mis góðar hugmyndir. Auðvitað var eftirpartý í B10 þar sem þessar 6 kippur sem við áttum kláruðust og besta eftirpartý sögunnar fór fram. Dramað hélt áfram og ég rak vörumerkið líka úr keppni, afskrifaði hann sem vin minn, lagði þetta fyrirtæki niður, sendum full mikið af dónalegum sms-um og fleira skemmtilegt... jájájá bara snilld, alveg þangað til ég vaknaði eftir þennan tveggja tíma svefn og ruslaðist í vinnuna!! Kommmon, það var fimmtudagur!!!!
... Ekki koma í bankann í dag, það gerir ykkur ekkert gott. Nema Hreiðar er auðvitað velkominn í súkkulaðið :-)

..... Yndislegt að vera umkringd svona frábæru fólki sem er tilbúið að lifa lífinu gjörsamlega í ræmur!!
Ég elska Rögga, kiss kiss ;-)

fimmtudagur

Litla veika.... 

Var að vakna, er búin að vera sofandi síðan á mánudagskvöldið. Ákvað að mæta í vinnuna í dag, full af hori og öðrum viðbjóð.
Rosalegt þegar maður er svona lasinn þá getur maður velt sér endalaust uppúr hlutunum... ekkert annað að gera nema hanga uppí rúmi og hugsa. Var að pæla í að koma með pistil um karlmenn... hef hugsað mikið um þann kynflokk síðustu vikur og er engu nær. Held að þetta séu allt saman aumingjar og ónytjungar upp til hópa. Lygarar og vangefin djöfullsins grey.... hey, það eru til undantekningar en þær eru ekki til umræðu hér!! Jájá, kallið mig bara Miss Bitur... það hentar mér ágætlega.

Búin að setja inn nokkrar myndir frá helginni....

mánudagur

Tvíburar verða til við getnað 

Ekki veit ég hvar ég á að byrja en einhver sú mesta dramahelgi sem ég hef upplifað er að baki. Maður má ekki skella sér úr bænum eina helgi þá er bara allt komið í rugl....

Reykjavíkurferðin var ansi mögnuð...

Tók helling af myndum sem koma hingað inn innan skamms, en þangað til....


fimmtudagur

Elliheimili 

Sest uppí bílinn og legg af stað. Ekkert lítið sem hefur snjóað í nótt og það er allt morandi í vinnuvélum sem eru að moka göturnar. Kemst loks á áfangastað og kem mér fyrir inni í einhverju herbergi... set reiknivélina í samband og raða peningunum í trékassann sem ég dröslaðist með með mér. Loksins byrjar fólkið að týnast inn; ýmist með hækjur, göngugrind eða súrefniskúta í eftirdragi. Ég borga hverja reikningana á fætur öðrum og fylgist með fólkinu reyna að krota eitthvað á blað sem á að vera nafnið þeirra... þau eru með kennitöluna sína skrifaða á blað sem þau geyma í veskinu ásamt myndum af börnum og barnabörnum. Einhverjir eru að taka út pening en ráða ekki alveg við seðlana vegna skjálfta og kuðla því peningunum einhvernvegin ofaní gamalt umslag sem sennilega fer beint undir kodda þegar komið er inná herbergi aftur. Augun í sumum eru orðin þreytt og því nauðsynlegt fyrir þá einstaklinga að ganga um með sólgleraugu allan ársins hring... tennurnar eru mis fastar í munninum á liðinu og oftar en ekki er heyrnin orðin það slæm að það er betra að sleppa því að tala við fólkið heldur en að reyna að láta það skilja þar sem ég er að segja. Sumir eru jafnvel það langt leiddir að þeir vita ekki að ég er þarna frá bankanum og eru því spyrjandi um hvenær ég geti tekið þau í fótsnyrtingu.

Eftir 40 mínútur í þessu litla herbergi, fullu af gömlu fólki, loka ég trékassanum, tek reiknivélina úr sambandi, pakka afgangnum af peningunum ofan í tösku og held aftur niður í banka, það heldur ennþá áfram að snjóa.

Ég ætla aldrei að verða gömul....

þriðjudagur

Fyrsta kynningin 

Eins og maður lærir í Háskólanum er nauðsynlegt að þekkja vöruna áður en maður fer að selja hana... þú þarft að vita hverjir kostir hennar og gallar eru og kunna að draga fram það besta í vörunni. Það má nú samt ekki algjörlega gleyma göllunum því eins og allir vita þá er ekkert fullkomið.

Þegar ég fór út í þessa markaðssetningu á manneskjum gerði ég mér fyllilega grein fyrir þessum hlutum.... ég vil ekki meina að ég sé að selja manneskjuna (því það kallast vændi og er ólöglegt á Íslandi) heldur er ég frekar að koma henni á framfæri, kynna hana og leyfa öðrum að njóta góðs af. Ég vil ekki setja manneskjuna uppí excel skjal þar sem kostir hennar og gallar eru flokkaðir niður eins og rollur eru dregnar í dálka.... það sem sumum finnst sjarmerandi og kynþokkafullt fyllir aðra viðbjóði.

Ég vil meina að fyrsta viðfangsefni Snillinga ehf. sé eitthvert það besta vörumerki sem hægt er að vinna með og hvet ég því keppanda númer tvö eindregið til að kynna sér vöruna betur áður en hún segir sig algjörlega úr keppni... það er til umræðu að halda kynningarfund þar sem varan er afhjúpuð og hún kynnt almennilega... nánara fréttabréf er væntanlegt en búist er við að sú kynning verði haldin í Sundlaug Akureyrar eða í B10 yfir trivial og bjór!!

Þakka fyrir mig að sinni,
Katrín Harðardóttir, umboðsmaður!

mánudagur

Árshátíð/afmæli 

Ferlega var gott að leggjast í pottinn á föstudaginn eftir vinnu og slappa af með góðu fólki og köldum bjór.... ég og Þórunn ákváðum að skella okkur líka í gufu sem var ein sú heitasta sem ég hef nokkru sinni komið inní.... settum af stað smá keppni, hver lifir lengst af þarna inni og að sjálfsögðu unnum við það... afraksturinn var vægast sagt rauðgljándi adlit! Fórum svo í förðun og greiðslu sem heppnaðist ljómandi vel þótt hárið á mér hafi minnt óneitanlega mikið á fermingargreiðsluna mína.
Dinner á Carólínu og fullt af skemmtiatriðum þar sem hver og einn var krýndur eitthvað ferlega skemmtilegt.... var ég kjörin Miss Pósa (já, skrýtið) og Þóra mín fékk titilinn Miss Ritalin (fólk er mis ofvirkt!!). Skelltum okkur svo á Kaffi Ak að sjálfsögðu í trylltan dans og eintóma gleði.


Vaknaði snemma á laugardaginn til að hjálpa til uppí Akurgerði. Veislan þar heppnaðist alveg ótrúlega vel, það er af því að ég á svo mikið af ógeðslega skemmtilegum ættingjum. Taumlaus gleði langt fram á nótt þar sem var mikið sungið og dansað :-) Sólveig snillingur átti setningu kvöldsins þar sem við sátum og fylgdumst með liðinu.... "Þetta er eins og að vera á Papaballi þar sem maður er dansaður niður af miðaldra fólki!!"

Í gær var svo annar í afmæli þar sem afgangar voru borðaðir og restin af rauð- og hvítvíninu.... 17 manna matarboð og gleðin var ekki síðri :-)

Ég skellti mér nú í bæinn í smá stund á laugardagsnóttina og hitti Birnu og Hansínu.... Umboðsmennskan okkar Birnu er eins og hver önnur keppni, full af drama. Á mjög formlegan hátt tilkynnti keppandi númer tvö mér það að hún væri búin að draga sig úr keppninni sem Ms. Johnsen.... Ekki nógu gott mál en við tökum á þessu eins vel og við getum!!

Nú er hinn grámyglulegi veruleiki aftur tekinn við og lífið dröslast áfram..... Barna-og menningarferð um næstu helgi!!!

föstudagur

Allt að gerast um helgina 

Í rauninni hef ég ekki tíma til að vera í vinnunni... Það er árshátíð hjá Kaffi Ak í kvöld og eins og við mátti búast er ég í skemmtinefnd, moohahahha. Við erum búnar að vera á fullu við að skipuleggja og redda hlutum þannig að það er ekki bara lítil feimin stelpa sem situr í bankanum í dag heldur er hún ósofin líka.... en það verður ljúft að leggjast í pottinn í kvöld með bjór í annari og skemmta sér svo langt fram á nótt með þessu liði sem vinnur með mér....
Morgundagurinn verður magnaður þar sem gamli maðurinn á afmæli í dag... jájájá, kallinn orðinn 60 ára og ætlar að slá upp veislu í Akurgerðinu. Verður vissara að taka með sér eyrnatappa í þá samkomu þar sem mamma og allar hennar systur verða staddar á sama stað, en ekkert lítið sem ég hlakka til :-) Það er allt að gerast!!

Spurning hvort ég sé komin með holdsveiki þar sem neglurnar á tánum eru farnar að detta af... ekki smart!!

miðvikudagur

Innantómt 

Settist strákur í stólinn hjá mér í morgun og neitaði að fara... ef ég væri sálfræðingur væri þetta mjög eðlilegt en þar sem ég vinn í banka var þetta ekki alveg nógu sniðugt. Hann semsagt ákvað að sitja og bíða eftir að kona úr Reykjavík myndi hringja í mig með smá upplýsingar sem í rauninni skiptu þennan strák ekki nokkru máli.... vá hvað þetta er eitthvað auðskilið hjá mér. Aaaaalllllavega, þá tók ég eftir því að þegar ég sit svona fyrir framan einhvern sem ég þekki ekki neitt þá líður mér ekki vel. Ég er bara lítil feimin stelpa... Ég reyndi að koma með eitthvað til að tala um en hann var enn feimnari en ég, því var orðið "já" gjörsamlega ofnotað í þessar 15 mínútur sem hann sat og beið. Ég starandi á tölvuskjáinn og hann starandi á mig (já hann starði á mig og mér fannst það svo óþægilegt að ég gat ekki horft á hann).... og við skiptumst á að segja já og jæja! Að lokum sagði ég við hann að ég ætti pantaðann tíma í kynfæruvörtubrennslu og náði þannig að losna við hann... konan hringdi ekki fyrr en 2 tímum seinna!!!

Andleysið, vonleysið, eyrðarleysið og getuleysið er enn allt til staðar....

mánudagur

Lengsta meðganga í heimi 

Skal segja ykkur það.... Lóa litla búin að unga út eins og einu barni :-) Er ekkert lítið hamingjusöm og langar mest til að fella tár... en ég er of kúl fyrir svoleiðis stöff.
Innilega til hamingju með stelpuna og ég hlakka ekkert lítið til að koma suður 17. feb og knúsa ykkur í klessu og djamma með nýjasta meðliminum :-)

Annars var þetta lengsta meðganga sem ég hef nokkurtíman upplifað. Finnst eins og Lóa sé búin að vera ólétt í eins og 2 ár. Hef fylgst með þessu alveg frá getnaði og var sennilega orðin jafn þreytt og Lóa að bíða eftir litla krílinu.... eða svona næstum því! Stúlkan loksins komin í heiminn og ég brosi hringinn.

- Kate Bush, umboðsmaður og ógeðslega stolt vinkona :-)

Laaaangt blogg 

Já Snillingar ehf voru á djamminu á laugardagskvöldið... eða Kate Bush var að vinna og Bibban sá algjörlega um fjörið.
Ákveðið var að taka keppanda númer tvö með á galeiðuna. Því miður var Rögnvaldur ekki í bænum (var að redda þessum 300.000 kalli sem bankafólkið fær 1.mars) þannig að formleg kynning gat ekki farið fram.... en keppandi númer tvo er virkilega áhugasöm :-)

Ég og sambýliskonan höfum ákveðið að skella okkur í barna-og menningarferð helgina 17-19 feb... jájájá. Þá verður sko dansað :-) Vonumst til að undirmaðurinn og Hanne sjái sér fært að fara með okkur.... allir í borg dauðans að taka helgina frá!!

Undirmaður minn ákvað að klukka mig... næs, þannig að það er best að enda á því

Fjögur störf sem ég hef unnið um ævina:
- Rokkað í Sundlauginni
- Pínt lítil börn á leikskóla
- Fengið borgað fyrir að spila með Sinfoníuhljómsveit Norðurlands
- Landsbankinn, þar eru höfuðstöðvar Snillinga ehf!!


Fjórar bíómyndir sem ég gæti horft á aftur og aftur:
- Sódóma Reykjavík
- Just friends
- Keipps.... dettur bara þessar tvær í hug þar sem ég get horft á þær meira en endalaust oft


Fjórir staðir sem ég hef búið á:
- Akureyri
- Reykjavík
- Brisbane
- Melbourne


Fjórir sjónvarpsþættir sem mér líkar:
- Scrubs
- 70´s show
- Friends
- My so called life..... Jaret Leto.....*SLEF*


Fjórir staðir sem ég hef heimsótt í fríum:
- Ástralía
- Slóvenía
- Feneyjar
- Bretland


Fjórar síður sem ég skoða daglega (fyrir utan blogg):
- mbl.is
- kaffiakureyri.is
- lonelyplanet.com
- business.vu.edu.au


Fernt matarkyns sem ég held uppá:
- Kjöt
- Kjöt
- Kjöt
- Kjöt


Fjórar bækur sem ég les oft:
- Það er í lagi að vera lítill
- Forðist okkur
- Sénsinn að ég lesi sömu bókina oft
- Ljóta vitleysan


Fjórir staðir sem ég myndi heldur vilja vera á núna:
- Í risa verslunarmiðstöð
- Í Ástralíu
- Í sjóðandi heitu baði
- Í góðu partýi með snillingunum mínum


Fjórir bloggarar sem ég klukka:
- OK þar sem ég frétti alltaf allt síðust þá er þessi leikur sennilega löngu búinn að missa kúlið, þannig að.....



Endum þetta á mynd af Snillingum ehf með keppanda númer tvö :-)


föstudagur

Rosalegur brannsi 

Snillingar ehf.... já það er nýja fyrirtækið okkar Birnu. Ég er forstjórinn og hún allt annað :-) Kata Boss, eða Kate Buss eins og ég vil kalla mig núna!! Umboðsmennskan er eitthvað sem ég hefði löngu átt að vera búin að leggja fyrir mig... eða kannski er einstaklingurinn sem ég er að vinna með svona góður efniviður.

Ég mæli svo sannarlega með okkur :-)

fimmtudagur

Sambýlið 

Ykkur að segja þá gengur umboðsmennskan eins og smurt.... síminn hefur varla stoppað hjá mér síðustu daga þar sem hinar ýmsu þokkadísir landsins eru æstar í að kynnast þessum Landsbanka fola sem hann Rögnvaldur er. Nú þegar er ég búin að búa til stutta kynningu á tveimur stelpum og hef hugsað mér að kynna tvær til viðbótar.... hann velur svo tvær af þessum fjórum og ætla ég að gera kynningarmyndband með þeim og að lokum mun hann hitta þær. Svo er bara að velja... viltu veita mér þann heiður að þyggja þessa rós? bahahahahah. Þetta eru svaka skutlur og er ég sannfærð um að þetta endi með bónorði :-)

Annars er allt í góðum gír.... maður dröslast áfram og bíð ég bara eftir símtali frá henni Hörpu Hrönn (engin pressa elskan.... veldu mig!!! hahaha). Ætla að vinna á laugardagskvöldið en eyða morgundeginum/kvöldinu í almennt chill.

Mér finnst eins og ég sé að vinna á sambýli, og þá meina ég af því að það er svo mikið af aumingjum sem safnast í bankann bara til að fá sér kaffi eða hanga yfir mér og tala út í eitt um gjörsamlega ekki neitt... Tinna benti hinsvegar á að þar sem ein Kata, einn Rögnvaldur og ein Tinna vinna, þar er sambýli :-) Mikið til í því!!

This page is powered by Blogger. Isn't yours?